In aankhon ki masti ke ...

Shahryaar ....

in aankhon ki masti ke - mastaane hazaaron hain
in aankhon se vaabastaa - afasaane hazaaron hain

ik tum hi nahin tanhaa - ulfat mein meri rusvaa
is shahar mein tum jaise - divaane hazaaron hain

ik sirf hum hi may ko - aankhon se pilaate hain
kahne ko to duniyaa mein - maikhaane hazaaron hain

is shamm-e-farozaa ko - aandhi se daraate ho
is shamm-e-farozaa ke = parvaane hazaaron hain