Phir is duniya se ummid-e-vafaa hai
Phir is duniya se ummid-e-vafaa hai
tujhe ai zindagi kya ho gaya hai
badi zaalim nihaayat bevafaa hai
ye duniya phir bhi kitni khush-numaa hai
har ik apne hi gham mein mubtilaa hai
kisi ke dard se kaun aashnaa hai
mere naqqaad meri shaayari to
mere tuute hue dil ki sadaa hai
kahaan huun "shad" main to shaad saa huun
vo shaad-e-khush-navaa to mar chukaa hai
0 Opinions:
Post a Comment