Talkhi-e-may mein zaraa talkhi-e-dil bhi gholen

Krishan Adeeb ...

talkhi-e-may mein zaraa talkhi-e-dil bhi gholen
aur kuch der yahaan baith ke pi len ro len

har taraf ek pur-asaraar si khaamoshi hai
apne saaye se koi baat karen kuch bolen

koi to shakhs ho ji jaan se chaahen jis ko
koi to jaan-e-tasavvur ho ke jis ke ho len

aah ye dil ki kasak haaye ye aankhon ki jalan
nind aa jaaye agar aaj to hum bhi so len