Aaj to be-sabab udaas hai ji

Nasir Kazmi ...

aaj to be-sabab udaas hai ji
ishq hota to koi baat bhi thi

jaltaa phirta huun kyon do-paharon mein
jaane kya cheez kho gai meri

vahin phirta huun main bhi khaak ba-sar
is bhare shahar mein hai ek gali

chhupta phirta hai ishq duniya se
phailti jaa rahi hai rusvaai

ham-nashin kya kahuun ke vo kya hai
chhod ye baat - neend udane lagi

aaj to vo bhi kuch khaamosh saa thaa
main ne bhi us se koi baat na ki

ek dam us ke haath chuum liye
ye mujhe baithe baithe kya suujhi

tu jo itna udaas hai 'nasir'
tujhe kya ho gayaa - bataa to sahi