Jaane Woh Kaise

 

jaane woh kaise log the jinke pyar ko pyar mila
humne to jab kaliyaan maangi - kaaton ka haar mila

khushiyon ki manzil dhoondi to gham ki gard mili
chhaahat ke naghme chhaahe to - aahen sard mili
dil ke bojh ko dugna kar gya - jo gham-khaar mila

bichhad gayaa har saathi de kar pal do pal ka saath
kisko fursat hai jo thhaame deewanon ka haath
hum ko apna saaya tak aksar bezaar mila

isko hi jeena kehte hain to yun hi jee lenge
uff na karenge, lab see lenge, aansu pee lenge
gham se ab ghabraana kaisa, gham sau baar mila