Shola Tha Jal-Bujhaa Hoon - Havaayen Mujhe Na Do
Ahmed Faraz…
Shola tha jal-bujhaa hoon - havaayen mujhe na do
Main kab ka jaa chuka hoon - sadaayen mujhe na do
Jo zahar pii chuka hoon, tum hi ne mujhe diya
ab tum to zindagi ki duaayen mujhe na do
Aisa kahin na ho ke palat kar na aa sakuun
Har baar duur jaa ke sadaayen mujhe na do
Kab mujh ko aiteraaf-e-muhabbat na thaa 'faraaz'
Kab main ne ye kahaa thaa - sazaayen mujhe na do
0 Opinions:
Post a Comment