Tumhaare Khat Mein Nayaa Ik Salaam Kiska Tha

Daag Dehlvi…

Tumhaare khat mein nayaa ik salaam kiska tha
Na tha raqeeb to aakhir vo naam kiska tha

Vo qatl kar ke har kissi se puchhate hain
Ye kaam kis ne kiya hai ye kaam kiska tha

Vafaa karenge nibhaayenge baat maanenge
Tumhen bhi yaad hai kuchh ye kalaam kiska thaa

Rahaa na dil mein vo be-dard aur dard rahaa
Muqim kaun hua hai maqaam kiska tha

Na puchh-paachh thi kisi ki na aav-bhagat
Tumhaari bazm mein kal ehatamaam kiska tha

Humaare khat ke to purze kiye padhaa bhi nahin
Suna jo tum ne baa-dil vo payaam kiska tha

Inhin sifaat se hotaa hai aadmi mashahuur
Jo lutf aap hi karte to naam kiska tha

Guzar gayaa vo zamaanaa kahen to kis se kahen
Khayaal mere dil ko subah-o-shaam kiska tha

Har ek se kahte hain kyaa "Daag" bevafaa nikla
Ye puchhe inn se koi vo ghulaam kiska tha