Ye Jo Hai Hukm Mere Paas Na Aaye Koi
Daag Dehlvi…
Ye jo hai hukm mere paas na aaye koi
Iss liye ruuth rahe hain ki manaaye koi
Taak mein hai nigah-e-shauq khudaa khair kare
saamne se mere bachtaa hua jaaye koi
Haal aflaaq-o-zameen ka jo bataayaa bhi to kya
baat vo hai jo tere dil ki baataaye koi
Aapne 'daag' ko muunh bhi na lagaayaa afsos
uss ko rakhta tha kaleje se lagaaye koi
Ho chuka aish ka jalsa to mujhe khat bheja
aap ki tarah se mehmaan bulaaye koi
0 Opinions:
Post a Comment