Kab Thehrega Dard E Dil, Kab Raat Basar Hogi

Faiz…

Kab thehrega dard-e-dil, kab raat basar hogi
Sunte the woh aayenge, sunte the sehar hogi

Kab jaan lahu hogi, kab ashq guhar hoga
Kis din teri sunvai ae deeda-e-tar hogi

Vaizz hai na zahid hai, naaseh hai na qaatil hai
Ab shehar mein yaaron ki kis traha basar hogi

Kab mehakegi fasl-e-gul, kab behakega maikhana
Kab subh-e-sukhan hogi, kab sham-e- nazar hogi

Kab tak abhi raah dekhen ai qaamat-e-janaana
Kab hashr muayyan hai tujhko tou khabar hogi