Tumhaari Yaad Ke Jab Zakhm Bharne Lagte Hain

Faiz…

Tumhaari yaad ke jab zakhm bharne lagte hain,
Kissi bahaane tumhen yaad karne lagte hain.

Hadis-e-yaar ke unavaan nikharne lagte hain, 
Tou har harim mein gesuu sanvarne lagte hain.

Har ajnabi humen mahram dikhai deta hai,
Jo ab bhi teri gali-gali se guzarne lagte hain.

Sabaa se karte hain gurbat-nasib zikr-e-vatan,
To chashm-e-subah mein aansuu ubharne lagte hain.

Vo jab bhi karte hain is nutq-o-lab ki bakhiyaagari,
Fazaa mein aur bhi nagmen bikharne lagte hain.

Dar-e-qafas pe andhere ki muhar lagti hai,
Tou "faiz" dil mein sitaare utarne lagte hain.